Në seancën e sotme parlamentare, zv.kryeministrja Belinda Balluku deklaroi se është krenare për mbiemrin që mban. Ndër të tjera ajo iu përgjigj akuzave të opozitës, konkretisht deputetit të Partisë Demokratike Edmond Spaho, i cili i përmendi gjyshin.
Balluku tha se vjen nga një familje e nderuar, duke u ndjerë krenare për prejardhjen e saj.
Po ashtu, politikania deklaroi se në këto momente lideri i Partisë Demokratike Sali Berisha ndodhet në shtëpi, duke konsumuar ushqim dhe serum.
Saliu është në shtëpi tani, po ha e po merr serumin tani. Më dëgjo me vëmendje, tani qetësohu. Më ke hyrë në shtëpi, nuk jam ngatërruar me familjen tënde, keni folur disa herë për gjyshin tim. Unë të dashur opozitarë jam krenare për mbiemrin tim. Nuk është gjë për të më goditur se sa herë e përmendi më shtoni pikët. Ka filluar dhe babai im të fitojë imunitet. Familja ime është një nga familjet më të nderuara në Tiranë. Nuk e njullosni dot ju.
Si unë dhe kolegia ime e dimë shumë mirë kontratën, ju qani hallin e qytetarëve.’-tha Balluku.
Discussion about this post