Kryetari i Bashkisë së Pukës, Gjon Gjonaj ka bërë një deklaratë të fortë në mbledhjen e policëve të qarkut të Shkodrës, kur tha se ka kryetarë bashkie që favorizojnë kultivimin e drogës dhe janë të lidhur me trafikantë.
“Ky çrregullim vjen nga mungesa e burimeve njerëzore. Kjo situatë na bën me besu se gjendja do të ndryshojë. Unë mendoj që nuk mundet një polic që thyen disiplinën në Shkodër me e pru në Pukë. Kur ai ka thyer disiplinën e thyen kudo! Nuk mund të jetë kryetar bashkie dikush që telefonohet nga trafikantët dhe han e pinë me to. Ka një problem këtu dhe për këtë duhet me e nis kontrollin që nga kryetarët e bashkisë e deri te punonjësi i policisë se ka pas disa raste që janë konstatuar”, tha Gjonaj.
Nga ana tjetër, drejtori i Policisë së Shkodër tha se janë kontrolluar 430 ambiente të mbyllura javën e shkuar dhe nuk është gjetur asnjë ambient që përdoret për drogë.
Në mbledhje ishte e pranishme dhe kryetarja në detyrë e Shkodrës, Voltana Ademi që e cilësoi Shkodrën si një zonë problematike për lidhjet me krimin.
Discussion about this post