President i Bayernit të Mynihut, Herbert Hainer, i ka paralajmëruar lojtarët e tij që janë në fund të kontratës dhe që kërkojnë rritje të pagës se diçka e tillë nuk ka për të ndodhur.
67-vjeçari ia bëri të qartë kampionëve të Gjermanisë se nuk do të prishe ekuilibrat financiarë duke ofruar paga të lartë. Madje mori shembull atë që ndodhi me David Alaban, në njëfarë mënyrë duke u treguar derën atyre që kanë pretendime të larta financiare.
“Është legjitime që lojtarët duan të paguhen sipas vlerës së tyre, por ne gjithashtu e konsiderojmë legjitime që një klub të thotë se nuk do t’i paguajë ato shuma të larta. Ne e kemi treguar tashmë me Alaban,”-tha Hainer.
Më tej ai sqaroi edhe situarën e Sule dhe Coman, ndërsa qetësoi mbështetësit e bavarezëve.
“Ne jemi në bisedime me Sule. Kingsley e di shumë mirë se çfarë ka në Bayern dhe si është rritur këtu. I kam thënë tashmë Kimmich, por edhe Goretzkas, se nuk ka asnjë arsye për t’u larguar nga Bayerni. Këtu mund të fitojnë gjithçka,”-theksoi kreu i Bayern.
Ndonëse është klubi më i fuqishëm në Gjermani, Bayerni ka një politikë të qartë që shmang pagat shumë të larta, gjë që e mban stabël dhe të palëkundur atë./K.T/Gijotina.com
Discussion about this post