Kreu i Emergjencave Civile, Haki Çako është shprehur se institucioni që ai drejton nuk ka pajisjet e duhura. Madje, duke folur për mediat Çako ka thënë se edhe njësitë e kërkim-shpëtimit kanë nevojë për trajnime për t’u përballur me situata të tilla.
“Çështja e përmbytjeve dhe fatkeqësia natyrore që ka shumë risk ne jemi duke punuar pasi është një fenomen që vazhdon të vlerësohet në mënyrë konstante. Duhen rehabilituar zonat me risk të lartë. Lidhur me krizën ekonomike që sjell lufta në Ukrainë janë probleme ekonomike që i takon të tjerëve por emergjenca civile është e përgatitur për të qenë e gatshme për çdo nevojë dhe për të vendosur ekuilibra në tregun e brendshëm”, ka thënë ai.
Pak ditë pas shuarjes së flakëve në Sazan ku erdhi në ndihmë një aeroplan ujëhedhës nga Greqia, Çako është shprehur se kapacitetet që ka Shqipëria për emergjencat civile nuk janë atje ku duhet të jenë.
“Shqipëria ka nevojë për pajisje të tjera për të menaxhuar situatën e emergjencave. Kërkohet trajnim për njësitet e kërkim-shpëtimit, emergjencat civile. Ne jemi duke punuar shumë edhe për remontin e mjeteve ajrore që disponojmë dhe jemi në kontakt me partnerët ndërkombëtar. Ashtu ndodhi edhe gjatë suportin me Greqinë e cila na dha suport për fikjen e zjarreve në Sazan. Kapacitetet nuk janë ato që duhet të jenë por ne po bëjmë përpjekje maksimale. Jemi në partneritet. Jemi bërë edhe ne pjesë e suporteve në Kosovë. Në këto kushte kapacitetet e shtuara të vendit të rajonit janë kapacitetet të dubluara që shtojnë fuqinë ndaj fatkeqësive natyrore. Reagimi për nevoja të tilla ekstreme nuk do të ketë nevojë për procedurë”, u shpreh Çako.
Discussion about this post