Gianni Infantino ka thirrur një mbledhje të veçantë me drejtuesit më të lartë të FIFA-s, e cila do të zhvillohet sot në Rabat të Marokut.
Sipas raportimeve, në qendër të takimit do të jenë pozitat gjithnjë e më të lëkundura të presidentit të FIFA-s, pas polemikave të fundit.
Në ditët e fundit, figura të rëndësishme të institucionit, si Sekretari i Përgjithshëm Mattias Grafström, drejtori i “Global Football Development”, Arsène Wenger, si edhe këshilltari Carlos Cordeiro, janë distancuar nga Infantino.
Kjo situatë vjen pas dështimit të planit të presidentit të FIFA-s për privatizimin e Botërorit, një projekt që ka shkaktuar kundërshti të forta në botën e futbollit.
Rabati nuk është zgjedhur rastësisht për këtë takim.
Kryeqyteti maroken është selia rajonale e FIFA-s për Afrikën dhe aty do të zhvillohet edhe Kongresi i 77-të i organizatës.
Po në Rabat janë planifikuar të mbahen edhe zgjedhjet e ardhshme presidenciale të FIFA-s vitin e ardhshëm.
Takimi i sotëm pritet me interes të madh, pasi mund të japë sinjale të rëndësishme për të ardhmen e Gianni Infantinos në krye të qeverisë botërore të futbollit.
Discussion about this post