Kryeministri Edi Rama, gjatë intervistës në emisionin “Zonë e Lirë”, i është përgjigjur analistit fatos Lubonja, ku ky i fundit arrestimin e Lefter Kokës e quajti si një “skenë” e lojës të një grupi kriminal që do marrë risqet e kësaj afere, për të shpëtuar të tjerët.
Rama u përgjigj me ironi se për Fatos Lubonjën ai është prej kohësh kreu i grupit kriminal.
“Për Fatos Lubonjën unë prej kohësh jam kreu i grupit kriminal. Ky është gjykimi i Fatos Lubonjës, ai është me cen nga një drejtësi që ka dalë i dëmtuar. Nëse do të ishte grup i strukturuar kriminal lexohet në të gjithë zinxhirin e procedurës, grup strukturuar lexohet në rezultat, i gjithë zinxhiri i ndjekur i procedurës nuk është problematik.
Unë nuk jam personi që kontrolloj zinxhirin e akteve, rezultati është aty çfarë po shikohet sot është një problem që po shikohet nga drejtësia, midis një individi ministri dhe sipërmarrësit, nuk është çështje e grupit të strukturuar që ka bërë një vepër penale”- iu përgjigj Rama akuzave të Lubonjës.
Discussion about this post