Kreu i Partisë së Lirisë Ilir Meta është paraqitur mëngjesin e sotëm në SPAK.
Ish-presidenti Ilir Meta ka folur për mediat pak para se të hynte në ambientet e SPAK. Ai tha se është thirrur për çështjen ÇEZ-DIA.
“Jam thirrur për telenovelën ÇEZ-DIA. Meqë jeni lajmëruar herët dhe po përballoni dhe shiun. Është një telenovelë, që është e gjykuar nja dy herë, dhe është rihapur për rastin konkret në dhjetor të 2029 nga një kallëzues i rremë që është dënuar dy herë nga gjykata për shpifje dhe për dhunë në familje. Faleminderit”, tha Meta.
Kjo është hera e dytë që Meta thirret në SPAK për çështjen CEZ-DIA, e cila është rihapur sërish.
Për këtë aferë u dënua Kastriot Ismailaj për “mashtrim me pasoja të rënda” dhe “pastrim të parave”, ku me falsifikim të dokumenteve arriti të përvetësojë nga kompania CEZ, rreth 5 milionë euro për një shërbim të cilin s’e kishte kryer.
Discussion about this post