Me humbjen e Partisë Demokratike në zgjedhjet e pjesshme lokale, selia blu është ndarë në dy kampe, mes njerëzve që kërkojnë dorëheqjen dhe të tjerëve që kërkojnë qëndrimin e Lulzim Bashës.
Kryetari i Partisë Demokratike në Mat, Arjan Lika ka dalë kundër dorëheqjes së kryedemokratit Lulzim Basha. I pranishëm në mbledhje me kryetarët në selinë blu, Lika është shprehur se kjo periudhë në të cilën ndodhet PD-ja është një luftë dhe kryetari nuk mund të braktiset. Duke nënkuptuar ish-kryeministrin Sali Berisha, Presidentin Ilir Meta dhe kryeministrin Edi Rama, Lika tha se ishte Trekëndëshi i Bermudës caktoi vetë se kush del i pari dhe i fundit në zgjedhje.
“Të gjithë armiqtë duke na gjuajtur ne, ndërsa ne duke gjuajtur njëri-tjetrin. Trekëndëshi Bermudës e caktoi vet kush del I pari e kush I fundit. Kandidatët mos të mërziten fare, bravo u qoftë që e morën përsipër këtë përballje. Deputetët dhe drejtuesit të benë më pranë njerëzve. Nuk duhet gjuajtur me gruë të parin e shtëpisë tonë. Ja e hoqëm, vjen një I ri. Si do e zgjidhë problemin me Sali Berishën. Ai (Berisha) nuk e zgjidh dot problemin me Amerikën. Ju bëj thirrje ta mbështesim Lulzim bashën. Me 9 shtator mori një vendim për të mirën e kësaj shtëpi. Duhet të punojmë, reflektojmë. Nuk është situatë e mirë, por duhet të vazhdojmë fort përpara”, është shprehur Lika.
Discussion about this post