Kreu i Partisë Demokratike të Kosovës, Memli Krasniqi, pas takimit që pati me kryeministrin Albin Kurti dhe ministren e Drejtësisë, Albulena Haxhiu, është shprehur se PDK-ja kërkon që procesi i vettingut të bëhet nga kuvendi, e jo nga qeveria.
“Nuk mund të them që arritëm dakordësi, ishte takim që shprehem qëndrimet tona të dy palët. Do të duhej të reflektonte qeveria karashi propozimeve të PDK-së, të cilat mundësojnë rritjen e një konsensusi politik që i hap rrugë procesit të vettingut”, u shpreh Krasniqi.
Ai shtoi se procesi i vettingut është i nevojshëm, por që bazamenti nuk duhet të jetë në qeveri por në kuvend.
“PDK vlerëson se zgjidhja e vetme e drejtë, e duhur dhe e qëndrueshme është që zhvillimi i këtij procesi të vettingut të bëhet nga ana e Kuvendit të Kosovës në përgjegjësinë kushtetuese, të cilit në instancë e fundit mbetet edhe aprovimi ose jo i amandamenteve kushtetuese të nevojshme. Ne besojmë se për të zbatuar një proces të tillë është i domosdoshëm një konsensus i gjerë ndërmjet partive politike parlamentare, shoqërisë civile dhe ekspertëve të fushës”, tha ai.
Discussion about this post