Ekzekutivi i “Pfizer”, Albert Bourla, deklaroi sot se brenda një viti në të gjitha vendet e prekura nga koronavirusi do të ketë një rikthim në jetën normale, por shtoi se vaksinat vjetore të Covid-19 do të jenë të nevojshme.
Gjithashtu, ai shpjegoi se, kjo nuk nënkupton se nuk do vazhdojnë të shfaqen variante të reja dhe se nuk do të mund të vazhdojë normaliteti pa u vaksinuar. Parashikimi i tij mbi rikthimin në normalitet përkon me komentet e ngjashem të ekzekutivit të “Moderna”, Stephane Bancel.
Megjithatë, ekzekutivi i Pfizer, Bourla sugjeroi se kjo do të ndodhë nëse vaksinat e koronavirusit bëhen vjetore. “Skenari më i ngjashëm është vaksinimi vjetor, për shkak se virusi është përhapur në të gjithë botën dhe do vazhdojmë të shohin variante të reja”, tha Bourla.
Në javën e kaluar, shefja e Qendrës për Kontrollin dhe Parandalimin e Sëmundjeve, Rochelle Walensky, autorizoi shpërndarjen e dozave nxitëse të Pfizer me BioNtech për ata në vende pune me rrezik të lartë të ekspozimit. Organizata Botërore e Shëndetësisë, kundërshton fortë administrimin e dozave të treta nxitëse, duke thënë se vendet e pasura duhet t’i japin dozat shtesë tek vendet e varfëra me norma të ulëta të vaksinimit. Bourla tha se nuk është e drejtë të vendoset për miratimin ose jo të dozave nxitëse , apo kushteve të tjera, nëse ato janë të nevojshme.
