Interesat e Shqipërisë e NATO-s janë prekur nga disa vende jo mike përmes sulmeve kibernetike dhe lajmeve të rreme.
Ky është konkluzioni i asaj çfarë tha Helidon Bendo kreu Shërbimit Informativ Shtetëror, në një seancë me dyer të mbyllura në Komisionin Parlamentar të Sigurisë Kombëtare.
Për herë të parë inteligjenca shqiptare ka ndarë me publikun një pjesë nga fjala e zotit Bendo në këtë komision.
“Veprimtaria e shteteve/shërbimeve të inteligjencës kundërshtare ka vijuar me ndërthurje në rritje të aktiviteteve të inteligjencës me ato të natyrës hibride, si aktivitete influencuese malinje, propagandë e dizinformacion, narrativa përçarëse e me ndikim në perceptimin publik”, tha Bendo.
Drejtori i SHISH ka përmendur në mënyrë specifike Rusinë dhe Kinën si të përfshira në operacione dizinformimi dhe sulme kibernetike. Po ashtu zoti Bendo citohet të ketë shprehur shqetësimin edhe për disa organizata jo qeveritare të sponsorizuara nga shërbime sekrete jo mike me Shqipërinë.
Discussion about this post