Kreu i SHISH Visho Ajazi Lika ka dhënë dorëheqjen, pas përfundimit të mandatit të tij në krye të ketij shërbimi. Kreu i qeverise Edi Rama ka zhvilluar sot një takim 30 minuta në Preisdencë me kreun e shtetit Ilir Meta. Sipas burimeve zyrtare, kryeministri i paraqiti Presidentit propozimin për lirimin nga detyra të kreut të SHISH Visho Ajazi Lika dhe emërimin në këtë detyrë të zv. drejtorit të shërbimit, Helidon Bendo. Propozimi i kryeministrit për lirim dhe emerim në krye të SHISH erdhi pas dorëheqjes nga detyra të këtij shërbimi, Visho Ajazi Lika, mandati i të cilit ka përfunduar disa javë më parë. Njoftimi i zyrës së shtypit të Kryeministrisë bën të ditur se kreu i qeverisë e mirëpriti këtë dorëheqje dhe falenderoi zotin Visho Ajazi Lika për kontributin e tij. Visho Ajazi Lika mori drejtimin e SHISH, 5 vjet më parë, në gusht 2012.
