Një e mitur në Kaçanik të Kosovës raportohet se është mbyllur brenda një shtëpie. Bëhet me dije se policia ka mundur të thyejë derën e objektit dhe të lirojë vajzën. Lidhur me rastin është arrestuar një i dyshuar për të cilin raportohet se kishte kryer marrëdhënie seksuale me të miturën dhe më pas e kishte mbyllur në banesë.
Burimet brenda Prokurorisë bëjnë me dije se i dyshuari është Endrit Kuka, 22-vjeçar.
Kuka dyshohet se ka keqpërdorur të miturën seksualisht, edhe pse e ka ditur moshën e saj të re.
I dyshuari në fjalë pas intervistimit me vendim të prokurorit është dërguar në paraburgim.
“Viktima femër kosovare (e mitur) ka raportuar se është mbyllur brenda në banesë. Në vendin e ngjarjes kanë dalë njësitet përkatëse policore ku kanë thyer derën e objektit dhe kanë liruar viktimën”, thuhet në njoftimin e policisë së Kosovës.
Sipas Kodit Penal të Republikës së Kosovës, personat që kryejnë marrëdhënie seksuale me persona që janë nën moshën 16-vjeçare, kryejnë vepër penale dhe mund të dënohen me burgim nga 5 deri në 20 vjet.
Discussion about this post