Personi që shihni në foto është hacker-i iranian, i cili thuhet se ka marrë pjesë në sulme kibernetike në vende të ndryshme të botës, përfshirë këtu edhe Shqipërinë.
Në foton e publikuar shfaqet shtetasi Reza Salarvand i cili drejton grupin e hakerave të “Gardës Revolucionare”.
Ekipi i Salarvand ishte përgjegjës për përgatitjen e një baze të dhënash të objektivave për sulmet kibernetike, duke përfshirë anijet e ngarkesave, stacionet e benzinës dhe qendrat e kontrollit detar në SHBA dhe gjetkë.
30-vjeçari ka një diplomë bachelor në inxhinierinë e Teknologjisë së Informacionit nga Dega Jugore e Universitetit Azad të Teheranit me një notë më të ulët se mesatarja prej 13, sipas certifikatës së tij BS.
Të hënën, Iran International publikoi foto të hakerave iranianë që janë përgjegjës në sulmet kibernetike globale, të cilët janë të lidhur me agjenci të ndryshme të inteligjencës qeveritare në Teheran.
Javën e kaluar, Shqipëria ndërpreu marrëdhëniet diplomatike me Iranin dhe dëboi diplomatët e saj, ndërsa forcat e saj të sigurisë hynë në kompleksin e ambasadës duke kërkuar prova.
Shtetet e Bashkuara vendosën sanksione ndaj ministrisë së Inteligjencës së Iranit dhe ministrit të saj, me NATO-n që shprehu gjithashtu mbështetje për shtetin e saj anëtar Shqipërinë.
Discussion about this post