Ministrja e re e Bujqësisë, Frida Krifca, nuk iu ndahet gafave. Këtë herë ajo ka treguar se nuk është aspak e mirë me orientimin gjeografik në vend. Në një postim në Facebook, Krifca ka dashur të ndajë me publikun normalizimin e situatës në Samaticë të Beratit, por ministrja ka ngatërruar emrin e lumit që përshkron këtë zonë.
Në postimin fillestar ministrja shkruan se gjithçka është kthyer në normalitet pas daljes së lumit Vjosë. Ka qenë një komentues ai që i ka tërhequr vëmendjen Krifcës dhe i ka shkruar se në fakt në këtë zonë të Beratit kalon Semani dhe jo Vjosa. Më pas Krifca e ka rregulluar menjëherë këtë gabim dhe ka edituar postin e saj.
Discussion about this post