Policia e Shtetit ka arrestuar 35-vjeçarin Ereledio Shebeku, i dyshuar si organizatori kryesor i një skeme mashtruese online në zonën e Divjakës.
Operacioni u realizua nga Drejtoria e Hetimit të Krimit Kibernetik, në bashkëpunim me Drejtorinë e Policisë Fier dhe Prokurorinë e Fierit, si pjesë e operacionit të koduar “XUEX”.
Autoritetet theksojnë se kjo ndërhyrje është pjesë e përpjekjeve për të goditur aktivitetet kriminale në fushën e mashtrimeve kibernetike dhe për të garantuar mbrojtjen e qytetarëve dhe sigurinë publike.
Policia u bën thirrje qytetarëve të jenë të kujdesshëm me të dhënat personale dhe bankare dhe të shmangin platformat apo aplikacionet e pasigurta. Çdo rast i dyshimtë mund të raportohet pranë strukturave përkatëse të Policisë së Shtetit.
Discussion about this post