Dy ditë më parë, Albana Vokshi dhe Klevis Balliu dolën për të denoncuar arrestimin e paligjshëm të protestuesve që dogjën flamurin serb në protestën e Berishës. Mirëpo grupit të mbështetësve të Sali Berishës i është bashkangjitur edhe Ledion Muçaraku, i cili rezulton me një të shkuar problematike. Sipas mediave, Muçaraku ka arritur të mashtrojë mbi 900 persona dhe biznese përmes ngritjes së një skeme piramidale për 7 vjet. Ai bëri 4 vjet e 1 muaj burg për këto mashtrime.
Ledioni, u arrestua nga policia e Fierit në vitin 2014, pasi ishte pjesë e një rrjeti mashtrimi që asokohe u quajt “skemë e re piramidale”. Gjykata e Rrethit Gjyqësor Fier, vendosi që Ledioni për këtë vepër penale të dënohej me 15 vite burg, nga të cilat ka bërë katër vite e pak muaj. Në intervista televizive, Ledioni ka pranuar se ka dhënë para me fajde, por mohoi të ketë luajtur rolin e sekserit, për të cilën shkruhej gjerësisht, në momentin që ai u arrestua. Ai thotë se me studentët nuk është marrë, sepse kishte frikë se mos e regjistronin me anë të telefonave. Nga e gjithë kjo punë, ai thotë se ka përfituar diku te 50 mijë euro.
Discussion about this post