68-vjeçari Xhabir Hoxhaj është arrestuar nga policia e Vaut të Dejës, pasi akuzohet se qëlloi çifte drejt bashkëshortes, me qëllim vrasjen e saj.
Policia sekuestroi në cilësinë e provës materiale armën e gjahut çifte.
61-vjeçarja është transportuar për ndihmë mjekësore drejt spitalit të Shkodrës Nga veprimet e para hetimore, dyshohet se 68-vjeçari, për motive të dobëta (xhelozie) ka qëlluar 2 herë me armë gjahu çifte në drejtim të bashkëshortes për ta vrarë dhe më pas e ka goditur me grushte në fytyrë dhe e ka dëmtuar me mjet prerës (xham) në pjesën e qafës dhe shpatullës. 61-vjeçarja ndodhet nën kujdesin e mjekëve jashtë rrezikut për jetën.
Në cilësinë e provës materiale është sekuestruar arma e gjahut çifte, dy gëzhoja dhe 17 fishekë armë gjahu. Materialet procedurale i kaluan Prokurorisë, për veprime të mëtejshme.
Discussion about this post