Një ngjarje e rëndë është raportuar në Francë. Një 11-vjeçare e identifikuar me emrin Solenne Thornon është qëlluar për vdekje nga fqinji, teksa luante me lisharëse në kopshtin e shtëpisë së saj në një fshat në perëndim të Francës, Saint-Herbot.
Të plagosur nga sulmi mbetën edhe babai dhe nëna e vajzës, ndërsa motra e saj 8 vjeçare arriti të shpëtonte pa lëndime.
Familja Thornon, e cila jeton në fshat prej rreth 5 vitesh, po shijonte një Barbecue në kopshtin e tyre dhe vajzat po luanin me lisharëse rreth orës 22 të së shtunës, kur një burrë u shfaq me një armë dhe qëlloi drejt tyre.
Nëna e vajzave, Rachel 49 vjeç, raportohet se ishte shtëpiake, ajo u qëllua në shpinë dhe në kokë, por mësohet se është jashtë rrezikut për jetën, shkruan The Guardian.
Një holandez 71-vjeçar që jetonte në të njëjtin fshat u vu në pranga si i dyshuari kryesor për ngjarjen. Ndërsa gruaja e tij po merret në pyetje.
Mediat franceze raportuan se kishte pasur një konflikt mes familjes britanike dhe fqinjëve të tyre për një ngastër toke.
Discussion about this post