“Krim politik”, Alibeaj për vrasjen e Azem Hajdarit: Demokratët e kujtojnë me shumë respekt

Kreu i Grupit Parlamentar të PD-së Enkelejd Alibeaj ka kujtuar Azem Hajdarin në 24-vjetorin e vrasjes së tij.

Në një postim në rrjetet sociale, Alibeaj thekson se vrasja e Hajdarit ishte krim politik.

Kreu i grupit të PD, shprehet se demokratët e kujtojmë me nderim dhe respekt Azem Hajdarin, një nga  drejtuesit kryesorë dhe me peshë të padiskutueshme të historisë së PD dhe Shqipërisë.

“Më 12 shtator 1998 u vra pranë selisë së PD një nga figurat kryesore jo vetëm për demokratët por për të gjithë spektrin e politikës shqiptare. Vrasja e Azem Hajdarit ishte një krim politik në një moment tejet delikat për Shqipërinë e dalë nga kaosi i trazirave të vitit 97.

Në 24 vjetorin e vrasjes, demokratët kujtojnë me nderim dhe respekt një nga drejtuesit kryesorë dhe me peshë të padiskutueshme të historisë së PD dhe Shqipërisë. I përjetshëm kujtimi i tij”, shkruan Alibeaj.

Azem Hajdari u ekzekutua më 12 shtator 1998 në Tiranë dhe vrasja e tij është konsideruar ndër më të bujshmet e politikës shqiptare.