Kreu i Prokurorisë së Posaçme, Altin Dumani ishte i pranishëm në tryezën “Reformë gjithëpërfshirëse për integritetin e zgjedhjeve”. Gjatë fjalës së tij, Dumani tha se në total janë 192 materiale që lidhen me dyshimet për krimet zgjedhore, ku janë regjistruar 43 procedime penale.
Nga 43 procedime penale, Dumani bëri me dije se 35 prej tyre janë për korrupsion aktiv në zgjedhje, 4 për korrupsion aktiv dhe pasiv, 1 procedim për përdorim i funksionit publik, 1 për përdorim i funksionit publik dhe ashpërdorim detyre, 1 për kanosje ose dhunim të pjessëmarrësve në zgjedhje.
Më tej, kreu i SPAK tha se shumë nga procedimet penale janë ende aktive dhe janë ushtruar kontrolle në banesa dhe zyra.
Dumani vlerësoi bashkëpunimin me institucionet e tjera pjesëmarrëse në Task Forcën e ngritur në kuadër të zgjedhjeve të 11 majit dhe tha se ishte një bashkëpunim produktiv dhe në kohë reale. Gjithashtu kreu i SPAK konstatoi se nevojiten trajtime të prokurorëve të SPAK dhe BKH për trajtimin me kujdes rastet e krimeve zgjedhore.
“SPAK ka regjistruar 9 procedime penale kryesisht. 192 materiale që lidhen me dyshime për krime zgjedhore. 43 procedime penale për krime zgjedhore. 35 për korrupsion aktiv në zgjedhje, 4 për korrupsion aktiv dhe pasiv, 1 procedim për përdorim i funksionit publik, 1 për përdorim i funksionit publik dhe ashpërdorim detyre, 1 për kanosje ose dhunim të pjessëmarrësve në zgjedhje.
Hetimet për shumë nga procedimet penale janë aktive, janë ushtruar kontrolle banese, zyrë. Sfidat nuk janë të pakta, duke iu referuar materialeve të partive politike që kanë mbërritur në SPAK kemi vënë re që kallëzimet e tyre kanë qenë të paplota dhe shpesh jo të sakta.
SPAK është vendosur në kontakt me denoncuesit e partive politike dhe pas verifikimeve është konkluduar se për çdo problematikë të ngritur nga subjektet politike apo organizatat e shoqërisë civile, SPAK ka bërë verifikimet përkatëse për çdo kallëzim të bërë.
Vendimet e mosfillimit, 43, janë produkt i grumbullmit të akteve dhe provave. Nga këto janë ankimuar vetëm 3 vendime mosfillimi, ku gjykata ka lënë në fuqi vendimiet e prokurorit të posaçëm.
Doja të theksoja rëndësinë e bashkëpunimit, do ta vlerësoja maksimalisht, shumë produktiv dhe në kohë reale. Nevojitet ndërgjegjësimi publik për mbrojtjen e dëshmitarëve.
Është e nevojshme trajtimi i prokurorëve për të trajtuar me kujdes rastet e krimit zgjedhor. SPAK maksimaklisht i angazhuar në hetimin e krimit zgjedhor dhe falë bashkëpunimit ne kemi arritur që në një kohë shumë të shpejtë të kryejmë verifikime për çod rast që na është adresuar.
Ngelemi të përkushtuar në ndjekjen e hetimeve”, tha Dumani.
Discussion about this post