Autori i vrasjes makabër të dy grave në Progë të Pogradecit, Ali Zili e ka kryer vrasjen dy ditë para se të zbuloheshin trupat e viktimave nga fqinjët e tyre.
Burime nga grupi hetimor bëjnë me dije se natën e vrasjes Zili, pas krimit është larguar nga fshati me një taksi në drejtim të qytetit të Korçës, duke i thënë taksistit që i ishte rrëzuar nëna.
36 vjeçari është munduar të fshehë gjurmët e krimit, duke u larguar për dy ditë nga fshati ndërsa rrobat e gjakosura nga përleshja me dy viktimat Zili ja ka dhënë një endacaku në qytetin e Korçës.
Të njëjtat burime pohojnë qe autori i krimit ka pasur hematoma në duar, çfarë tregon që i ka goditur edhe me grushte viktimat. Ndërkohë, në duart e njërës prej viktimave janë gjetur tufa flokësh të autorit të krimit.
Arrestimi i Ali Zilit u bë në shtëpinë e tij, në të cilën sipas vëllait të autorit, ishte kthyer rreth orës 5 të mëngjesit të së shtunës.
Për policinë lokale motivi i ngjarjes mbetet grabitja.
Discussion about this post