Janë zbardhur detaje të reja nga krimi në familje që tronditi paraditen e sotme Fierin, ku në fshatin Vidhistë të Roskovecit, një 61-vjeçar vrau nusen e djalit, 30 vjeçe.
Mësohet se vjehrri jetonte prej disa kohësh me djalin dhe bashkëjetuesen e tij në një shtëpi.
30-vjeçarja Merushe Azizi ishte nënë e 3 fëmijëve nga martesa e parë dhe fëmijët jetonin me ish-bashkëshortin, teksa ajo kishte 3 vite që bashkëjetonte me shtetasin Fatjon Hoxha.
Ngjarja
61- vjeçari Xhavair Hoxha vrau me thikë bashkëjetuesen e djalit të tij dhe më pas i ka dhënë fund jetës duke u vetëvarur në një pemë.
Ai nuk pranonte lidhjen e të birit dhe nuk donte që ai të martohej me 30-vjeçaren Merushe Hazizi, pasi ajo kishte qenë më parë e martuar. Për këtë arsye ata janë konfliktuar, ku më pas Hoxha ka marrë thikën duke goditur Hazizi dhe duke e lënë të vdekur në vend.
Ngjarja ka ndodhur rreth orës 12:30, në fshatin Vidhishtë, Roskovec.
Pritet të merren në pyetje familjarët, për të zbardhur detaje të tjera. Grupi hetimor ndodhet në vendngjarje dhe po punon për zbardhjen e rrethanave.
Discussion about this post