Një vdekje e tmerrshme ka ndodhur në Brazil, ku xhaxhai 22-vjeçar ka vrarë 4-vjeçaren Camille Silva. Autori ka rrëfyer se e ka vrarë sepse ajo nuk pushonte së qari pasi e kishte përdhunuar!
Në rrëfimin e tij tronditës, 22-vjeçari Reinaldo Rocha tha se fillimisht u përpoq t’i priste kokën 4-vjeçares përpara se ta varte përfundimisht në orët e para të së shtunës së kaluar.
Sipas tij, nëna e tij e ndihmoi të fshihte trupin e vajzës në një qese të mbushur me ushqime përpara se ta hidhte në një kodër pranë shtëpisë së tij në Rio de Zhaneiro.
Nëna e vajzës, e cila është kushërira e sulmuesit, e kishte lënë Camille-n me motrën e saj në shtëpi nën kujdesin e tezes dhe xhaxhait të saj kur ajo u largua të premten në mëngjes për të shkuar në një festë.
Kur u kthye herët të shtunën, gjeti derën e shtëpisë të hapur dhe Camille të vogël që mungonte. Fillimisht ajo besoi se vajza 4-vjeçare ishte rrëmbyer dhe menjëherë nisën hetimet në zonë.
Gjurma të çonte në shtëpinë e 22-vjeçarit me disa prej të përfshirëve në kërkim që e rrahën atë përpara se të vinte policia.
Rocha u dërgua në një komisariat ku rrëfeu aktin e urryer dhe zbuloi se ku e kishte hedhur trupin e 4-vjeçares.
22-vjeçari kishte një të kaluar kriminale pasi në shkurt 2021 kishte grabitur një grua në plazhin e Ipanemasë, ndërsa të njëjtën gjë kishte bërë me një grua tjetër në një zonë tjetër të Rio de Zhaneiros.
Shikoni fotot
Discussion about this post