Sekretari i Përgjithshëm i Partisë Demokratike, Flamur Noka ka hedhur akuza ndaj Policisë së Shtetit duke e cilësuar si bandë pushteti.
Sipas Nokës, synimi i Policisë së Shtetit është të të survejojë, të terrorizojë, të dhunojë opozitën dhe të bëjë fushatë dhe propagandë për Rilindjen.
I ftuar në një emision televiziv, Noka tha se krimi në Shqipëri ka marrë dhenë dhe nuk ka statistikë që e falsifikon narkopolicia.
“Policia e Shtetit nuk është angazhuar me rendin dhe me sigurinë, policia e ka detyrë të jetë në funksion të ligjit, rendit dhe sigurisë, por kur Policia e Shtetit kthehet në një bandë të pushtetit dhe synimi i saj nuk është rendi dhe siguria, por është të survejojë, të terrorizojë, të dhunojë opozitën dhe të bëjë fushatë dhe propagandë për Rilindjen.
Nuk është Polici Shteti, por është kthyer në një polici pushteti ose bandë pushteti dhe janë kthyer në një kupolë që falsifikojnë, fabrikojnë me idenë që duke e fabrikuar mund të përhapin në opinionin publik opinione të rrejshme që shqiptarët të gënjehen.
Dielli nuk mbulohet me shoshë, krimi në këtë vend ka marrë dhenë dhe nuk ka statistikë që e falsifikon narkopolicia”, u shpreh ai.
Discussion about this post