Arbër Çela, kryetari i gjykatës së rrethit gjyqësor Shkodër ka pranuar se aktualisht institucioni që ai përfaqëson ndodhet në një fazë të neglizhencës për trajtimin e të miturve në konflikt me ligjin.Sipas tij, kjo vjen si pasojë e ecurisë së Vettingun dhe largimit të një pjese të mirë të gjyqtarëve nga sistemi i drejtësisë. Çela nënvizon se gjykimi i të tilla çështjeve sensitive bëhen nga gjyqatarë që nuk kanë specializimin e duhur.
“Jemi në një fazë të neglizhencës për trajtimin e të miturve në konflikt me ligjin. Ka shumë arsye. Problematika që vjen nga reforma në drejtësi. Gjykata Pukë e ka shumë të vështirë që të mbajë një sesion për të miturit sepse duhet të ketë tre gjyqtarë dhe të jenë të specializuar dhe kryetari në përcaktimin e seksioneve që gjyqtari që gjykon te miturit të jetë permament. Kjo është shumë e vështirë. Aktualisht një pjesë e cështjeve për shkak të largimit të gjyqtareve gjykohen nga gjyqtare të tjerë sepse nuk kanë specializimin që kërkon ligji. “
Kyretari i Gjykatës së Shkodrës, njofton se kriminaliteti tek të miturit ka një tendencë rritjeje dhe si pas tij, ky fakt është produkt i përgjëgjësisë tangenciale, qoftë dhe nga vet institucioni që ai përfaqëson.Por ndonëse ndodhemi përballë këtyre fakteve, Çela thekson se situata nuk ngec në legjislacion, pasi legjislacioni shqiptar sipas tij, është një nga më të mirët në Europë.
“Kemi një rritje të kriminalitetit tek të miturit dhe rritje e gravitetit te veprave penale që kryejnë miturit, në këtë javë janë gjykuar tre çështje ku ka qenë qene autor të mitur apo të abuzuar. Kjo tregon se ka diçka që nuk shkon. Por nëse behet vlerësim i detajuar i rastit dhe në shumicën e rasteve do dali përgjegjësi tangenciale qoftë edhe e jona. Nga ana tjetër legjislacioni ynë për të miturit është nga më të mirët në Ballkan por edhe Europë. “
Sipas Çelës, vendimet e marra janë të sakta, por procedura jo, duke nënkuptuar se nuk goditet fenomeni apo nuk analizohen shkaqet e pasojave të krimeve apo veprave penale që të miturit konsumojnë.Sipas Çelës nëse nuk goditet fenomeni, nuk mund të krijohet një mendësi e re tek gjyqtarët, të cilët nuk duhet të japin dënime të gabuara.
“Ka raste kur japim vendime te sakta por procedurën që kemi ndjekur e kemi të gabuar. Ne duhet të synojmë të merremi me psikikën me të miturit. Për në çeshtje e mbyllur është ajo dosje që merr vendim të prerë por ne nuk jemi marrë me problematikën dhe në këtë rast kemi mbyllur një çështje por kemi lënë të hapur disa faktorë që sjell riperseritjen e krimit. Gjykata e Shkodrës në krahasim me të tjerat është më mirë por prap është keq dhe janë shumë të pakta rastet e shmangies së dënimit për të miturit në vendimet e tyre. Krimi goditet duke goditur fenomenin dhe në atë rast kemi goditur terrenin kriminal dhe më pas është e veshtirë që të lulëzojë në të kundërt mentaliteti i gjyqtarëve për të dhënë vetëm dënime është i gabuar.”
Nga ana tjetër dhe prokuroria e Prokurorisë së Shkodrës, Franceska Lekani, ka pranuar se gjatë dy viteve të fundit ka rritje të rasteve të përfshirjes së minorenëve në krime të rënda.
Discussion about this post