Vrasja e të miturit në Fier, Mateo Vllasiu, ka tronditur jo vetëm opinionin publik shqiptar por edhe ato të vendeve fqinje. Mbrëmjen e sotme, para ambasadës së Republikës së Shqipërisë në Prishtinë, studentët e Lëvizjes Studentore Studim Kritikë Veprim ndezën mbrëmjen e sotme qirinj për të shprehur ngushëllime për vrasjen e 8 vjeçarit Mateo Vllasiu nga fqinji i tij 38 vjeçar Klodian Çalamani.
“Mateo Vllasiu doli për xhiro me biçikletë dhe nuk u kthye më kurrë. Sot nuk ishte ditë e zakontë mësimi sepse banka ku ulej vogëlushi 8 vjeçar ishte bosh. Përveçse një krim makabër, ngjarje e tmerrshme dhe vrasje tronditëse, kjo është një këmbanë për tërë shoqërinë”, deklaruan ata.
Sakaq, theksojmë se familjarët e të miturit të dëshpëruar e në dhimbje kanë vijuar me kërkesat për nënshkrimin e peticionit nga qytetarët edhe mbrëmjen e sotme në shesh të qytetit, për dënimin me vdekje të autorit Klodian Çalamani.
Discussion about this post