Deputetja e PD në qarkun e Fierit, Eralda Bano ka reaguar për ngjarjen e rëndë, ku u vra barbarisht nga fqinji 38-vjeçar, vogëlushi Mateo Vllasiu.
Përmes një postimi në Facebook, Bano e ka konsideruar si çnjerëzore ngjarjen e rëndë, ndërsa i shprehu ngushëllimet familjes.
“Ngjarja çnjerëzore në Fier na ka lënë pa fjalë dhe me një dhimbje të madhe. Si nënë, jam e tronditur sesi një krim i tillë makabër mund të kryhet ndaj një fëmije krejt të vogël e të pafajshëm. I shpreh ngushëllimet e mia më të ndjera familjes së ëngjëllit të vogël, megjithëse e di fort mire se në këtë ditë të zezë nuk ka fjalë për ngushëllim. Kjo botë paska qenë shumë e ligë për shpirtra të bukur si yti, Mateo”, shkruan bano.
Bano shprehet e indinjuar se si është e mundur që vrasësit qarkullojnë të lirë, ku vuri gishtin tek indiferenca e qeverisë në luftën ndaj krimit.
“Si ka mundësi që vrasësit qarkullojnë të lirë, edhe pasi identifikohen nga policia? Mungesa e veprimeve konkrete nga qeveria për të luftuar krimin në çdo nivel po na kushton shumë rëndë si shoqëri. Të paktën, institucionet e drejtësisë, prokuroria dhe gjykata duhet të na sigurojnë që përbindësha të tillë të mos shohin më dritën e diellit, për të mos dhunuar dhe për të mos marrë më jetën e fëmijëve dhe njerëzve të pafajshëm”, shprehet ajo.
Discussion about this post