Familja, miqtë dhe njerëzit e afërm u mblodhën mesditën e sotme në Kishë për t’i dhënë lamtumirën e fundit Carolinës, 20-vjeçares që u vra barbarisht nga grabitësit në shtëpinë e saj.
Shumica prej tyre të veshur me të zeza dhe me lule në duar nderuan kujtimin e të resë që vdiq pas torturimit nga grabitësit pranë foshnjës së saj, 11 muajshe, Lydia.
Babis Anagnostopoulos, mbërriti me një helikopter të kompanisë ku ai punon si pilot duke mbajtur në krahë foshnjën e tyre. Ai do t’i japë lamtumirën e fundit gruas së tij në vendin ku ata u takuan dhe u dashuruan.
Nëna e 20-vjeçares, Susan shoqëroi trupin e viktimës nga Athina në Alonissos, ndërsa i ati i cili vuan nga probleme shëndetësore, nuk mundi të jetë prezent.
