Opinioni publik në Greqi u trondit nga një krim i rëndë në familje.
Autor ishte një 56-vjeçar, i cili vrau me armë zjarri gruan e tij 32-vjeçare me origjinë gjermane dhe fëmijën e tyre, vetëm 1 vjeç. Ndërkohë mësohet se autoritetet në shtetin fqinj kanë publikuar rezultatet e ekspertizës mjeko-ligjore të kryera në trupin e nënës dhe fëmijës, të cilët u vranë nga babai 56-vjeçar në Basenin e Kavallës.
Gjithashtu nga autopsia rezultoi se autori ka tentuar të vrasë veten dy herë. Nga gjuajtja e parë ai pësoi 4-5 fraktura në brinjë, duke mos qenë fatale. Më pas autori ka vendosur tytën e armës në gojë duke qëlluar më pas veten.
Siç raportojnë mediat greke, autori ka qëlluar pas shpine nënën dhe foshnjës , vdekja e tyre ka qenë e menjëhershme. në trupin e foshnjës u gjetën copëza të vogla nga armë që përdoreshin nga gjuetarët për të vrarë zogjtë. Ajo që mbetet tronditëse është fakti se 56-vjeçari pasi vrau foshnjën 11 muajshe para syve të nënës së tij, ka qenë në gjendje të ndërrojë plumbat në karabinë me një tyre dhe më pas ka vendosur fishekë që përdoreshin për të vrarë derra të egër. Më pas ai ka qëlluar pas shpine 32 vjeçaren, duke i çarë organet e brendshme. Trupat e gruas dhe foshnjës do të transportohen në Gjermani për varrimin e tyre, ndërsa 56-vjeçari do të varroset sot në Kavallë.
Discussion about this post