Kanë dalë detaje të reja në lidhje me ngjarjen e rëndë që ndodhi sot në fshatin Vidhistë të Roskovecit, ku një 61-vjeçar i identifikuar si Xhevair Hoxha vrau nusen e djalit, 30 vjeçe. Sipas informacioneve, mësohet se vjehrri jetonte prej disa kohësh me djalin dhe bashkëjetuesen e tij në një shtëpi. Kunata e Xhevair Hoxhës tha se autori i krimit e kishte paralajmëruar djalin se do ta vriste së bashku me bashkëjetuesen e tij.
“I thoshte mos e merr për shtëpi por djali nuk e dëgjonte, ai nuk e donte nuse për shtëpi. I kishte thënë gjithmonë djalit unë do të vras ty, nusen dhe do vritem vetë. Ajo ishte e martuar kishte fëmijë, por Xhevahiri nuk e donte në shtëpi. Si familje ishin në rregull, normalisht punonin” – tha kunata e 61-vjeçarit që kreu krimin.
30-vjeçarja Merushe Azizi ishte nënë e 3 fëmijëve nga martesa e parë dhe fëmijët jetonin me ish-bashkëshortin, teksa ajo kishte 2 vite që bashkëjetonte me shtetasin Fatjon Hoxha.
Discussion about this post