Një ngjarje e tmerrshme ka tronditur vendin ditën e martë, ku Xhevahir Hoxha vrau me thikë bashkëjetuesen e djalit, Merushe Hazizin dhe më pas u vetëvar. Ngjarja ka ndodhur në fshatin Vidhishtë të Roskovecit.
Gjatë ditës së premte ka folur dhe babai i së ndjerës, i cili akuzon dhëndrin e tij për vrasjen e së bijës,.
Duke folur për mediat Sadush Hazizi thotë se vajzën e tij nuk e vrau Xhevahiri por Fatjoni, i cili la gruan e parë për Merushen.
“Vajzën nuk ma vrau Xhevahiri, por Fatjoni. La gruan e parë për vajzën time. Më tha e dua. I thashë nëse nuk shkoni mirë ma sill vajzën në shtëpi. Ma çoi vajzën në atë shtëpi për të ma vrarë. Fëmijët e Merushes i kam mbajtur dhe do ti mbaj unë. Djali i vogël ka lindur tek unë”, tha Sadush Hazizi, babai i viktimës.
Ndërkohë që një ditë më parë për mediat foli edhe vjehrra e viktimës Qerime Hoxha, e cila tha se nuk i di arsyet që shtynë bashkëshortin e saj të bënte krimin.
Discussion about this post