Krimi ‘vëzhgon’ Tiranën, zbulohen kamera edhe në Astir e në Kamëz

Policia vijon operacionin “Fijet” për sekuestrimin e kamerave të vendosura në mënyrë ilegale nga grupet kriminale.

Uniformat blu kanë sekuestruar rreth 50 kamera sigurie në zonën e Kamzës dhe të Astirit në Tiranë.

Operacioni është në vijim edhe në zona të tjera të kryeqytetit.

Kujtojmë se policia ka çmontuar dhjetëra kamera në qytete të ndryshme të Shqipërisë, nga veriu në jug, që dyshohet se janë vendosur nga banda kriminale, të cilat vëzhgojnë lëvizjet e policisë dhe rivalëve.

Për vendosjen e kamerave janë proceduar penalisht dhjetëra persona, kryesisht elementë kriminalë.