Pas emisionit “Report” në “RAI3”, kryeministri doli me një tjetër reagim, këtë herë me video, duke përsëritur mesazhin se transmetimi ishte një përbaltje për Shqipërinë. Me një fjalim donkishotesk, Rama sulmoi televizionin italian, burimet e përdorura nga gazetarët e emisionit, madje edhe opozitën e median shqiptare, që sipas tij, baltosën shqiptarët.
Në një monolog mbi 9 minuta, Rama u pozicionua artificialisht si një mbrojtës i Atdheut dhe lëshoi akuza pa fre.
“…Kjo eksperiencë kishte në përmbajtje shume baltë për Shqipërinë… Ishte padyshim një baltë krejt e pamerituar mbi Shqipërinë dhe shqiptarët… Hedhin baltë për të na pikturuar pacipërisht si mafiozë, trafikantë, kriminelë…… Cënimi me gjysmë të vërteta i Shqipërisë… Shqiptarët e Italisë, Greqisë e kudo tjetër, nuk kanë për të qenë kurrë vetëm sa të jem unë këtu, përballë asnjë cenimi të emrit shqiptar”, ishin disa nga frazat e Ramës, që i veshi vetes, apo ia veshën këshilltarët, petkun e një “Shëngjergji” i cili po mbron vatanin nga dragoi keqbërës – “Rai3” dhe armiqtë e tjerë imagjinarë të Shqipërisë e shqiptarëve.
Fjalori sulmues ishte i larmishëm. “Llum, shqiptarë pa Atdhe, kriminelë, të neveritshëm, ujërat e zeza”, ligjëroi me pathos të veçantë kryeministri i shqiptarëve Edi Rama.
Emisioni “Report” shpalosi fakte dhe dëshmi që tregojnë asnjë më shumë se ajo që dihet botërisht:
Paratë e pista po pastrohen në sektorin e ndërtimit dhe kullat në Tiranë, që ai bëhet edhe më qesharak kur i propagandon si atraksione turistike;
Si një i akuzuar për lidhje me kartelet famëkeqe meksikane të krimit mori një licencë për kazino pas një takimi në zyrën e tij. Në këtë pikë, ra ndesh edhe me deklaratën e përfituesit Luftar Hysa, lidhur me qëllimin e vizitës në kryeministri;
Që tenderat janë të paracaktuar;
Që grupet kriminale përfitojnë para publike;
Që Edi Rama e i përdorur grupet kriminale për të mbledhur vota. Ish-bashkëpunëtori i tij i ngushtë zbuloi madje edhe ndërmjetësin e kryeqeveritarit me malavitën. Sipas Arben Ahmetajt, Rama ka deleguar Ergys Agasin për të menaxhuar marrëdhëniet mes klaneve kriminale;
Si kanabizimi i vendit shitej si sukses dhe lulëzoi me ‘bekim nga lart’;
Si Edi Rama mbron të akuzuarit si mafiozë, brenda dhe jashtë rrethit politik të Partisë Socialiste dhe Qeverisë.
Pra, në thelb, emisioni i “Rai3” nuk ishte një sulm ndaj shqiptarëve, nuk i stigmatizoi shqiptarët si kriminelë, por i tha Ramës: Krimineli je ti!
Discussion about this post