Që prej vitit të ardhshëm të gjithë bizneset që do të licencohen në aktivitetin e prodhimit të kriptomonedhave në Shqipëri, është propozuar që do të tatohen me 15% .
Propozimin e parashikuar në projektligjin e ri, ekspertët e cilësojnë një hap të nxituar dhe pa efekt pozitiv në ekonomi.
“Ndoshta në ligj le të theksohet por nuk ka efekte sepse në këto momente ne e dimë që zero përqind e ndërmarrjeve që potencialisht ushtrojnë aktivitet janë të licencuar. Porsa kohë ne nuk kemi licenca, edhe efekti apo impakti që do të ketë do të jetë zero”, thotë eksperti i ekonomisë Genti Beqiri.
Eksperti Beqiri thekson se përsa kohë nuk ka kompani të licencuara për këtë aktivitet, por nga ana tjetër ka subjekte që punojnë në mënyrë të paligjshme, vendosja e tatimit mund të nxisë më tej informalitetin.
“Ndoshta është e përshpejtuar 15%, sepse ne kërkonim që ky sektor të zhvillohej të kishim njerëz të interesuar, të regjistruar dhe të formalizoheshin. Vendosja e tatimit 15% vazhdon ti mbaj ato në informalitet dhe nuk do i stimulojë. Ndoshta ato duhet të ishin pjesë e një ligji më të përgjithshëm por jemi duke i mbajtur në informalitet edhe ato që janë sektor aktualisht duke mos u formalizuar”, shprehet eksperti.
Sipas projektligjit, kur të ardhurat klasifikohen nga investimet me përjashtim të dividendëve do të tatohen me 15%, ndërsa të ardhurat nga biznesi kanë shkallë të ndryshme tatimi, në varësi të ardhurave që krijon gjatë një viti.
Discussion about this post