Olsi Bylyku, festoi ditëlindjen e tij ditën e djeshme, ku të prezentë kanë qenë personazhe të njohur të estradës shqiptare duke nisur që nga vëllezërit Veshaj. Në storyt e publikuara nga Olsi apo miqtë e tij u pa se ishte krijuar një atmosferë e zjarrtë dhe të gjithë po festonin.
Midis urimeve të shumta nga personazhe të ndryshëm, ajo çka u vu re ishte mungesa e Bes Kallakut dhe Xhensila Myrtezajit. Aktori jo vetëm që nuk ndodhej në ditëlindje por as nuk e ka uruar mikun e tij.
Olsi dhe Besi njihen për miqësinë e tyre që u krijua që në ‘Portokalli’ e cila u forcua gjatë viteve dhe dyshen e humorit i shikonim shumë shpesh së bashku gjatë postimeve në rrjetet sociale apo me pushime së bashku me partneret e tyre.
Kujtojmë se disa kohë më parë Besi e ftoi aktorin e humorit të ishte pjesë e programit të tij ‘Kosherja Show” por Olsi e ka refuzuar duke qëndruar kështu në “Klanifornia”. Mesa duket kjo gjë do të ketë sjellë krisjen e miqësisë midis djemve dhe duket gjërat mund të jenë bërë tepër serioze.
Discussion about this post