Qeveria ruse e udhëhequr nga presidenti Vladimir Putin, po merr një tjetër vendim që pritet të çojë fatkeqësisht, drejt ashpërsimit të marrëdhënieve me perëndimin dhe jo vetëm.
Rusia po përgatitet të tërhiqet zyrtarisht nga Traktati për Forcat e Armatosura Konvencionale në Evropë (Traktati CFE), sipas një urdhri të vetë presidentit.
Zëvendësministri i Jashtëm Sergei Ryabkov është caktuar për të udhëhequr debatin në parlament. Vetë projektligji i tërheqjes nuk është marrë ende nga Duma Shtetërore Ruse, dhoma e ulët e Asamblesë Federale të Rusisë.
Traktati ‘’CFE’’ përcakton tavanet për vendosjen e armëve të rënda në kontinentin evropian. Këto përfshijnë tanke dhe automjete luftarake të këmbësorisë, artileri të rëndë, avionë luftarakë dhe helikopterë.
Moska ishte një bashkënënshkruese e marrëveshjes në vitin 1990, por pezulloi pjesën më të madhe të zbatimit të saj në 2007.
Që nga viti 2015, një vit pas aneksimit të gadishullit të Krimesë të Ukrainës, Rusia gjithashtu nuk merr pjesë më në mbledhjet e grupit këshillues.
Discussion about this post