Kristal Palas ka fituar trofeun e parë madhor në historinë e tyre si klub, pasi mposhtën në finalen e FA Cup në “Wembley”, Mançester Sitin, me rezultatin e ngushtë 1-0.Rezultati u zhbllokua në minutën e 16, kur Ebereshi Eze shënoi pas një aksioni spektakolar të Kristal Palas dhe asistit të Munjoz.
Në minutën e 35, Siti pati shansin e artë të barazonte shifrat pasi Bernardo Silva u pengua brenda zonës dhe arbitri akordoi penallti, por Omar Marmush gaboi nga 11-metrat. Goditja e egjiptianit u prit nga Dean Henderson. Pjesa e parë u mbyll 1-0.
Në minutën e 58, Kristal Palas gjeti rrjetën sërish, por goli i shënuar nga Daniel Munjoz u anulua pas ndërhyrjes së VAR-it, për pozicion jashtë loje. Pati protesta të ashpra nga stafi i Kristal Palas, por pamjet e publikuara i dhanë të drejtë vendimit të arbitrit.
Në minutat e mbetura, pati disa përpjekje nga ana e “Qytetarëve” për të gjetur golin e barazimit, por nuk ia dolën dot. Rezultati përfundimtar 1-0. Mançester Siti e mbyll pa asnjë trofe këtë sezon si rrallëherë në dekadën e fundit, ndërsa e gjithë festa është për Kristal Palas, e cila feston me plot meritë trofeun e parë në histori.
Discussion about this post