Kristi Ramadani konfirmohet nënkampion Evrope në peshëngritje

Shqipëria mund të shijojë medaljen e nënkampionit të Evropës në peshëngritje, të fituar nga Kristi Ramadani.

Talenti 23-vjeçar shkëlqeu në Sofje duke fituar dy medalje argjendi, por vetëm këtë të premte ka ardhur edhe përgjigjja e testit anti-dopping, ku Ramadani rezultoi negativ.

Me anë të një reagimi, Federata Shqiptare e Peshëngritjes ka bërë publike përgjigjen e analizave:

Njoftim zyrtar i Federatës Shqiptare të Peshëngritjes

Sot me date 08/03/2024 vjen më në fund përgjigjja e shumëpritur e testit antidoping nga ITA (Agjencia Ndërkombëtare e Testimit), ku Kristi Ramadani iu nënshtrua testit në gjak dhe urinë në Kampionatin Evropian të Peshëngritjes në Sofje, Bullgari më datë 16 Shkurt 2024.

Federata Shqiptare e Peshëngritjes dhe Shqipëria ka një nënkampion Evrope të ri, Kristi Ramadanin.