Kristi Dragot, së fundmi ka qenë i ftuar në emisionin ‘Glamour Zone’, përballë moderatores Ester Bylyku, ku ndër të tjera bëri një deklaratë për Luiz Ejllin.
Ai tha se do të donte ta kishte të ftuar në një ndeshje boksi, madje kishte siguri të plotë se do të fitonte.
“Kam kohë që dua të sjell sfida të tilla. Ndeshje boksi mes dy personazheve. Unë do të doja të kisha përballë Luizin. Jo vetëm që do të fitoja, por jam i sigurt që do ta shkatërroja’ u shpreh Kristi.
Në intervistën përballë moderatores Ester Bylyku, ai e konsideroi qëndrimin ne BBV si traumatik dhe shkatërrues. Më pas ai i bëri një kamera të fshehtë babait të tij Robert Aliaj, ku i tha se një djalë homoseksual po e prekte, dhe nuk dinte çfarë të bënte.
Por pas shumë momenteve gazmore, Kristi zbuloi dhe një pjesë të kaluarës së tij që nuk dihej më parë nga mediat. Pikërisht, mosha më kritike për çdo person, siç është adoleshenca.
Ester Bylyku: A ke eksperimentuar ndonjëherë me lëndët narkotike?
Kristi Dragot: Po, absolutisht. Është pjesë e adoleshencës dhe ke nevojë të kuptosh që nuk janë gjithmonë gjëra pozitive.
Ester Bylyku: Konkretisht, cilën ke provuar?
Kristi Dragot: Hashashin dhe nuk më pëlqeu sepse më bëri paranonjak. Më bëri një Krist që nuk doja të isha, dhe mua më pëlqen ky që jam.
Discussion about this post