“PD sot e ka të vështirë të sjellë rotacionin”/ Salianji: Të zbatohet Kushtetuta e partisë -

Në takimin e tij në Vlorë, Ervin Salianji tha se Partia Demokratike nuk mund të vazhdojë të thotë ‘fajin e ka Edi Rama’.

Gjithashtu ai theksoi se përgjegjësinë politike e kanë drejtuesit dhe jo votuesit.

“U tha që partia do hapej, por të gjithë e dinin në tavolinë që thonin që PD do t’i humbë zgjedhjet. Dhe të nesërmen dolën sikur nuk kishte ndodhur asgjë. Por demokratët kanë dhimbje sepse të gjithë dhunën e regjimit e ndjejnë demokratët. Opozitës për të kompensuar humbjen që ka pësuar në Vlorë do të duhet të fitojë në 6 qarqe të tjera. Përse nuk i shohim këto, apo do vazhdojmë të themi që fajin e ka Edi Rama…Edi Rama duhet larguar, por ne duhet të gjejmë njerëzit e duhur. Por kryetari i PD mban përgjegjësi për gjithçka i ka ndodhur partisë. Për 4 vite u fol për atë që quhej neni Basha. Por sot a jemi forcë qeverisëse? A po themi të përcaktohet Kushtetuta e PD sot të gjithë. Por pa diskutim që Berisha ka status të veçantë. Mund t’i lejohej rikandidimi, por si? Pa bërë fare garë, duke i përjashtuar kontributorët dhe që mbajnë barrë të rëndë gjatë gjithë kohës. Si do të zhvillohet zgjedhjet e prillit që ka PD, duke mbyllur sytë. Gënjeshtrat vetëm e dëmtojnë PD”,, tha ai.

“Përse nuk përjashtohen ata që e ngrenë zërin për ta mbajtur PD në humbje?”, kështu u shpreh Ervin Salinajit.

Nga Vlora Salianji u shpreh se është e rëndësishme që PD të jetë fituese ndërsa shtoi se për këtë duhet të bëjnë gjithçka që ta arrijnë.

“Me frymën e drejtimit të sotëm PD nuk vjen dot në pushtet. Nuk bashkohet dot PD në këto mënyra. Nuk afrohet komuniteti ndërkombëtar me të njëjtët njerëz në lidership. Kemi zbritur në terren për të folur me qytetarët në emër të parimit. Shqiptarët do të na urrejnë nëse nuk i themi gjërat siç janë. Ka momente kur e vërteta duhet e hidhur, por në fund ajo triumfon. Çdo javë thuhet që Rama do rrëzohet, por Ramaduro është prapë aty. Nuk kemi sharë dhe ofenduar askënd nuk ke i marrë me gjueti shtrigash apo përgjegjësi personale. Por jemi brenda PD dhe shqetësimet duhet të zgjidhen duke dëgjuar dhe përfshirë çdo kontributor dhe jo duke vendosur tapa në vesh. Ne sot na duhet cilido. Përse nuk përjashtohen ata që e ngrenë zërin për ta mbajtur PD në humbje?”, tha ai.

Më tej nënvizoi se nuk kanë se si të kërkojë llogari që nuk kanë fituar asnjë garë elektorale.

“Por të gjithë i duhen kësaj, partie edhe ata. Të gjithë jemi pjesë e kësaj familje. Unë jam që fëmijë pjesë e PD, e kam nisur 15 vjeç, jam rritur me të ama ishte një PD fituese”, tha ai.