Kreu demokrat Sali Berisha, duke komentuar mbledhjen e Asamblesë Kombëtare të PS-së, tha se Kryeministri Edi Rama iu vërsul Kryebashkiakut Erion Veliaj, jo për dardhat që ka ngrënë pas kurrizit të tij, por për ta linçuar, njëlloj sikundër bënte Enver Hoxha në plenumet e linçimit.
“Edi Rama përdori në mënyrë identike metodat e Enver Hoxhës ndaj armiqve të brendshëm.
Për asamblejistë Edi Rama vendosi kontrollin e plotë dhe total në sallë, saqë edhe për nevoja personale, Gramozi u detyrua ti dërgonte dy letra për ti marrë leje.
I tillë ishte terrori që vendosi.
Për asamblejistë përdori ato metoda që diktatori Hoxha përdorte në plenumet e linçimit.
Ju vërsul Erion Veliajt, jo se ke ngrënë dardha të prishura, por se je bërë një hiç, në një OJF.
Këtu para jush kam denoncuar aktet se si bashkia e Tiranës, gumëzhin nga mëngjesi në darkë kundër Edi Ramës. Por gumëzhitja ka arritur edhe në Surrel, prandaj dhe u kthye sot në sallën e plenumit të asamblesë.
Terrorit nuk i shpëtoi as Olta Xhaçka dhe të tjerë indirekt.
Edi Rama sot ju tha asamblejistëve se jeni të kontrolluar prej tij në çdo hap, akt. Ti zonja Xhaçka e ke harruar Facebook, nuk na bën më as like. Imagjinoni ju diktatorin se si ua kontrollon, Tik Tokun, Instagram, Facebook”, tha Berisha.
Discussion about this post