Udhëheqësi i opozitës ruse, Alexey Navalny ka dhënë një intervistë për “New York Times” nga burgu ku ndodhet. Ai ka thënë se ambientet e burgut, i ngjasojnë me ato të një kampi kinez të punës, duke nënvizuar se është detyruar të shohë filma propagandistikë.
Navalny tha se ditët e punëve të rënda kishin mbaruar, por që janë zëvendësuar me atë që ai e quajti “dhunë psikologjike të shpëlarjes së trurit” dhe “propagandës”.
Navalny, nga muaji mars i këtij viti, është duke u mbajtur në burgun e sigurisë së lartë në Pokrovo, 100 kilometra në lindje të Moskës.
Ai tha se janë vazhdimisht nën vëzhgimin e rojeve, deri sa detyrohen të shikojnë me orë të tëra propagande shtetërore, duke mos i lejuar ata të lexojnë ose të shkruajnë.
Por kritiku i presidentit rus thotë se është optimist për të ardhmen e regjimit të Vladimir Putinit, duke shtuar se një ditë kjo do të përfundoj.
“Herët a vonë, kjo do të rregullohet dhe se Rusia do të ketë në një rrugë demokratike evropiane të zhvillimit. Thjesht, sepse kjo është ajo që njerëzit duan”, tha ai.
