Ministria e Jashtme turke njoftoi se do të largojë nga detyra konsujt e nderit të nëntë vendeve, për shkak të postimeve në rrjetet sociale ku kritikonin qeverinë.
Sipas mediave turke, konsujt që Ministria e Jashtme turke iu anuloi identitetet diplomatike janë konsulli i nderit i Suedisë në Antalia, Britanisë në Mugla, Belgjikë dhe Austrisë në Smyrna, Rumanisë në Iskenderun, Etiopisë në Konia, Republikës Domenikane, Belizes në Stamboll dhe Lituani në Nevsehir.
Konsujt e nderit zakonisht janë pa pagesë dhe përveç forcimit të lidhjeve tregtare dhe kulturore, kryejnë edhe disa detyra bazë konsullore. Ata nuk gëzojnë “imunitet diplomatik” të plotë, por vetëm një imunitet të pjesshëm ngushtësisht për detyrat e tyre.
Akuzat se postimet e mediave sociale të këtyre konsujve luajtën një rol në vendim, vijnë në një kohë kur përdoruesit e mediave sociale në Turqi përballen rregullisht me ngacmime, censurë dhe arrestime për komente kritike kundër presidentit turk dhe qeverisë së tij.
Ky është incidenti i dytë nga qeveria turke i shënuar pas kërkesës së parë të Presidentit Rexhep Tajip Erdogan për shpalljen “non grata” të 10 ambasadorëve.
Discussion about this post