Në ditën e sotme, 8 dhjetor 2025, sipas faqes zyrtare të TIA-s, Air Albania nuk nxori avionë nga Tirana.
Edhe për datën 9 dhjetor nuk rezulton të ketë fluturime të planifikuara me Air Albania.
Agjencitë e udhëtimit konfirmojnë se operatori prej disa ditësh nuk ka kryer fluturime — pasagjerët me udhëtime ndërkontinentale u detyruan të përdorin alternativa (pp.sh. përmes aeroporteve të Prishtinës apo Podgoricës).
Situata e vështirë e Air Albania duket se nuk është rastësi. Raportime të fundit tregojnë se Kompania është në krizë financiare serioze.
Ajo ka ndërprerë pagesat për shërbime si ushqimi për pasagjerë — vendime gjyqësore kërkojnë pagesa prej disa milionë eurosh.
Sipas mediave gjermane, ajo është “drejt falimentit”: thuhet se nuk i ka mbetur ndonjë avion të vetin, dhe se përdor vetëm aeroplanë me qira për të kryer fluturimet e mbetura.
Para pak javësh, Turkish Airlines — bashkëpronari kryesor — vendosi ta largojë investimin e tij, duke lënë kompaninë në kërkim të investitorëve të rinj.
Në rrjetet sociale dhe forumet shqiptare ka shumë ankesa nga udhëtarë: “Fluturimi u anulua, pa asnjë shpjegim ose përgjigje” ; “Nuk kthejnë paratë, dhe shumë vështirë të kontaktosh me shërbimin për klientë”.
Kjo tregon se problemi nuk është vetëm mungesa e fluturimeve, por edhe mungesa e transparencës dhe komunikimit me klientët.
Çfarë do të thotë për pasagjerët tani?
- Nëse ke biletë me Air Albania për ditët e ardhshme, këshillohet që të verifikosh statusin e fluturimit, për shembull përmes faqes së TIA apo agjencisë ku e mora biletën.
- Nëse fluturimi është anuluar, kërkoni mënyra alternative udhëtimi (për shembull linja të tjera, apo ndalesa me autobus/avion përmes aeroporteve në rajon).
- Mbaj dokumentacion: email, biletë, komunikime, në rast se duhet te kërkoni kompensim ose udhetim te ri.
gijotina.com/
Discussion about this post