Kriza e furnizimit me naftë në Britaninë e Madhe ka ngjallur reagime në të gjithë botën. Ambasadori shqiptari në Britani, Qirjako Qirko ka theksuar se emigrantët tanë atje janë të gatshëm të ndihmojnë vendin në trajtimin e kësaj krize.
Në një intervistë për “The Guardian”, Qirko tha se, në mirënjohje të asaj që Britania ka bërë për shqiptarët, 150 mijë qytetarët tanë që jetojnë atje do të ishin të gatshëm të punonin edhe falas si shoferë kamionësh.
Qirko, i cili sapo kishte kaluar një orë në radhë për benzinë t’u furnizuar me benzinë dhe pa sukses, tha se ai besonte se shumë shqiptarë në Britani që ishin shoferë kamionësh mund të ndihmonin për të kompensuar një mungesë të vlerësuar deri në 100,000 paund.
“Shqiptarët janë gati të punojnë që qeveria britanike të kapërcejë këtë problem pa pagesë. Unë nuk e di nëse ata kanë licencat e duhura, por nëse do të kishin, jam i sigurt që të gjithë këtu do të thoshin “unë mund të ndihmoj”, tha ai.
Qirko përmendi ndërhyrjen e NATO -s në Kosovë në vitin 1999 për shpëtimin e qindra shqiptarëve etnikë, teksa tha se shqiptarët në Mbretërinë e Bashkuar do të punonin falas pas asaj që ky vend ka bërë për ta. Kriza e prodhuar në Britani nuk ka ardhur si shkak i mungesave të karburantit, por për shkak të mungesës së shoferëve për shpërndarjen e karburanteve.
