Deputeti socialist, Damian Gjiknuri, ka hedhur poshtë akuzat e opozitës se qeveria nuk po bën asgjë për të ndalur rritjen e çmimit. Për të justifikuar krizën në të cilën ndodhet vendi ai tha se qeveria po merr të gjitha masat për të përballuar këtë krizë, por rruga është e vështirë. Gjiknuri tha se qeveria ka në dorë vetë të monitorojë tregun për abuzime jo t’i diktojë çmimet. Ndërsa u shpreh se të gjithë botën nuk mund ta ngrenë në këmbë, duke paralajmëruar se qeveria nuk do të marrë më hapa, as të plotësojë ndonjë kërkesë të qytetarëve.
“Qeveria do të luajë të gjitha kartat menjëherë? Po bën gjithçka dhe po monitoron krizën. Ne nuk e dimë çfarë sjell lufta. Askush nuk e di, apo dolëm ne parlamenti shqiptar dhe i dhamë zgjidhje?! U mblodhën 3 – 4 herë NATO në periudhën e fundit për të diskutuar qoftë nga aspektet e sigurisë dhe ekonomisë. Po kruajnë kokën, kokat më të mëdha të botës dhe po thonë si do përballojmë këto pasojat e krizës, ndërsa ju doni ti gjeni të gjitha zgjidhjet tek Edi Rama. Bënu realistë. Kjo qeveri po monitoron situatën. Këto ka në dorë. Edhe ato bordet vërtet duken masa të rrepta por i kërkon koha”, tha Gjiknuri, ndërsa shtoi se kriza do të vazhdojë dhe nuk dihet sa do të zgjasë.
Discussion about this post