Mbledhja në Komisionin e Ekonomisë ditën e sotme është shoqëruar me debate mes ministres Delina Ibrahimaj dhe deputetëve të PD. Ministrja ka thënë se qeveria po vazhdon me paketën sociale që të përballojë këtë krizë, por kjo deklaratë e saj është kundërshtuar ashpër nga anëtarët e opozitës. Edmond Spaho i kërkoi ministres që të mos bëjë më propagandë, por të marrë masa konkrete kundër krizës. Ai tha se zgjidhja e vetme është rritja e pagave dhe pensioneve.
“Mos bëni më propagandë.Të heqësh një taksë apo ta reduktosh do institucione të forta për të kontrolluar që fitimi shkon tek qytetarët. Ka një mekanizëm tjetër, dhe është rritja e pagave dhe pensioneve pasi janë më të ulta në të gjithë Evropën dhe kemi çmimet e shportës më të lartat. Tani është koha që pagat e pensionet të rriten, pasi të gjithë marrin paga e pensione qesharake. Duke rritur pagat e pensionet do të rrisim edhe kontributet në sigurimet shoqërore por edhe konsumin. Pa konsum s’ka ditë të mira. Rrit për çdo vit pagat dhe pensionet kjo është politika që mund të ndihmoj qytetarët shqiptar të kapërcejnë këtë”, tha Spaho.
Pas krizës së çmimeve qeveria rishikoi buxhetin e shtetit duke miratuar paketën e rezistencës sociale prej 6 miliardë lekësh që përfshin dhënien e një ndihme prej 3 mijë lekësh për tre muaj për të përballuar çmimet. Po ashtu jepen 500 milionë lekë për transportin për subvencionim e naftës, si dhe 500 milionë lekë për bujqësinë për naftë pa taksa.
Discussion about this post