Deputeti i PD Dashnor Sula, me anë të një postimi shprehet se bizneset po përjetojnë një krizë të thellë ekonomike. Sula thekson se qeveria nuk ka marrë masa për të nxjerrë bizneset nga kriza.
Postimi i deputetit Sula:
Të braktisur nga qeveria, bizneset nisin të nënshtrohen nga kriza.
?Ndryshe nga shtetet e rajonit dhe BE-së, bizneset në Shqiperi po përballen të vetëm me krizën globale. E në fakt shenjat e para të nënshtrimit janë shfaqur.
?Sipas Bankës së Shqipërisë bizneset vendase kanë ulur kapacitetet e funksionimit për shkak të inflacionit. Ky tregues shfaqi rënie për të gjitha degët kryesore të ekonomisë, me përjashtim të ndërtimit i cili siç është konstatuar edhe nga agjencitë ndërkombëtare po shërben si lavatriçe e parave të drogës e korrupsionit qeveritar.
Sipas Bankës së Shqiperisë norma e shfrytëzimit të kapaciteteve në sektorin e tregtisë shënoi nivelin 72.9%, në rënie me 3.3 pikë përqindje krahasuar me tremujorin e dytë. Norma e shfrytëzimit të kapaciteteve në sektorin e shërbimeve ra gjithashtu në 78.6%, 2.9 pikë përqindje më pak krahasuar me tremujorin e dytë.
Ndërkohë, edhe treguesi i gjendjes financiare të bizneseve u përkeqësua për të gjithë sektorët gjatë tremujorit të tretë të vitit 2022.
?Bizneset në Shqipëri po përballen me më shumë sfida sesa vendet e tjera në këtë krizë.
➡️E para është rritja e çmimeve që rrit edhe kostot ndjeshëm. Në këtë aspekt të krizës ata janë të vetëm në betejë. Ndryshe nga homologët e tyre në Maqedoninë e Veriut për shembull. Atje qeveria prej muajsh ka marrë masa të ndryshme duke ulur taksat për të mbajtur një lloj ekuilibri të çmimeve. Ndërsa këtu te ne stimulim pati vetëm te ata që marrin para publike për tendera. Tendera që jepen me 99.9% të fondit limit. Të tjerët janë të zhveshur totalisht përpara rreziqeve të tregut.
➡️E dyta, biznesi në Shqipëri po përballet me mungesë punëtorësh. Nuk ka sektor që nuk ankohet për këtë gjë. Politikat e egra të qeverisë ndaj të rinjve, ndaj shtresës punëtore kanë bërë që në këto 9 vite të ikin qindëra mijëra të rinj e të reja. Kanë ikur njerëzit e kualifikuar. Normalisht dihet që biznesin nuk e zhvillon vetëm pronari, por duhet ekip i mirë. Kjo po mungon në Shqipëri.
➡️E treta që lidhet me të dytën, është fakti që duke u larguar kaq shumë, ulet edhe konsumi. Nuk ka më forcë blerëse. Të kombinuara këto bëjnë atë qe ka filluar, tkurrjen e aktiviteteve. E cila mund të shkaktoj edhe shkurtime punonjësish. Një gjë edhe më e rëndë në këtë situatë.
?E në vend që qeveria të merrte disa masa lehtësuese për vitin 2023, sipas të dhënave të dala deri tani paketa fiskale për vitin e ardhshëm parashikon vetëm rritjen e vlerave të gjobave për biznesin.
?Komuniteti i biznesit duhet të bashkohet dhe të kërkojnë nga qeveria jonë edhe për aq kohë sa do jetë që të marrë së paku të njëjtat masa si vendet e rajonit. Ne si opozitë do të jemi gjithmonë në anën e tyre në mënyrë që kjo krizë që vjenë edhe për shkaqe të jashtme të mos paralizojë ekonominë e vendit pasi pasojat do jenë apokaliptike për vendin.
Discussion about this post