Ministrja e Energjisë së Belgjikës ka paralajmëruar se vendet e BE-së do të përballen me “pesë deri në dhjetë” dimra të tmerrshëm nëse nuk bëhet asgjë për të ulur çmimet e gazit natyror.
Ka pasur thirrje të vazhdueshme për një kufi të çmimit të gazit në mbarë BE-në dhe shkëputjen e tij nga çmimi i energjisë elektrike. Shtetet e BE-së janë duke luftuar me rritjen e çmimeve të energjisë që kur Rusia pushtoi Ukrainën në shkurt.
Vendet perëndimore që mbështesin Ukrainën po përpiqen të ulin sasinë e gazit dhe naftës rus që importojnë. Rusia, e cila furnizoi BE-në me 40% të gazit të saj vitin e kaluar, ka kufizuar furnizimet.
Ministrja belge e Energjisë Tinne Van der Straeten shkroi në Twitter se çmimet e gazit në Europë duhet të ngrihen urgjentisht, duke shtuar se lidhja midis çmimeve të gazit dhe energjisë elektrike duhet të reformohet.
Çmimet e energjisë elektrike kanë qenë gjithashtu në rritje në Evropë dhe kanë arritur nivele rekord këtë javë. Gazi është burimi kryesor i prodhimit të energjisë elektrike. Gazi natyror ende përdoret gjerësisht për të prodhuar energji elektrike. Për shkak se çmimet e gazit janë rritur, kjo kushton më shumë.
Discussion about this post